Cat loves pizza 😻🍕.ws Emoji 表情符號縮短網址產生器使用說明

咩係 Emoji Link? 表情符號連結，表情符號網址?

Emoji Link 係用表情符號(绘文字)嚟縮短網址。 例如，如果你有條好長既網址：http://www.iflscience.com/technology/would-you-eat-a-3d-printed-pizza/，就可以透過我地既 Emoji Link 表情符號縮短網址服務縮短至咁樣： https://😻🍕.ws/🍕🍕🍕。新網址其實都係指向長網址，但易記好多。

點解網域 (Domain) 裏可以有 Emoji 表情符號?

其實 Emoji 表情符號都係一啲字同埋係 ASCII 符號。
例如，https://😻🍕.ws/hk 呢個網址，人睇落去係表情符號，但其實瀏覽器係睇到 https://xn--vi8hl0c.ws。現代瀏覽器已經好叻，識得自己做轉換。 依家 Emoji 表情符號域名可以用係一啲新啲既頂級域名 Top Level Domains (TLDs)，例如 .ws 及 .la，佢地唔似舊式域名要受 Internet Corporation for Assigned Names and Numbers (ICANN) 既標準規則限制。

我可以用咩 Emoji 表情?

Emoji Link 支援 Unicode.org 內的 Emoji 表情符號。

點樣令系統自動揀 emoji 表情符號?

你祇需要貼上你的連結或網址然後按"產生!"

邊啲 emoji 表情符號唔會被自動選擇?

含有國旗，含有修飾符及含有 ZWJ 零寬連字的表情符號都不會被系統自動揀選。雖然係咁，但你仍然可以將這類型的表情符號複製貼上到"自選表情符號"。呢啲 Emoji 表情符號未必可以係舊裝置上正確顯示，請小心使用。這些表情符號詳例於：含修飾符的表情符號。
如有興趣了解更多關於含修飾符的表情符號，可到 Unicode® Technical Report #51.

點樣揀選 emojis 表情符號做我的縮短網址?

你可以先貼上你要縮短的網址，然後係自選表情符號右手邊既表情符號揀選器度揀你心愛既表情符號 (Windows 用戶) 或者用鍵盤都得 (流動裝置或蘋果 Apple 用戶)。當然複製貼上都得。

點解要用 Emoji Link?

• 容易記，尤其係當你用好短既 Emoji 表情符號。
• 得意又吸引，等你啲網友唔會再俾啲傳統既純文字網址悶親。
• 越黎越多人用電話或者流動裝置上網
• 傳統電腦越黎越多 Emoji 表情符號輸入支援，例如：Apple 新 MacBook Pro 都俾你輸入 Emoji 表情符號
• 以表情符號為主角既電影已經出現了《Emoji大冒險》The Emoji Movie

點樣係 Windows 10 打表情符號?

唔駛用第三方軟件既，只要用 Windows 10 內建既螢幕鍵盤就得。

我可以睇睇短網址背後係指向咩網站嗎?

可以，你係條 Emoji 表情符號網址後面加 /info 去睇睇短網址背後係指向咩網站。例如：如果你想睇 😻🍕.ws/🍕🍕🍕 係指向咩網站，你可到：😻🍕.ws/🍕🍕🍕/info

點樣睇我個短連結的分析?

你可以係你個短連結後面加 /info。你可以睇到有幾多人經呢個連結進入你個目的地網址。遲下會推出更多既分析工具俾大家。

咁自選 Emoji 表情符號有無最短最長既限制?

Emoji 表情符號縮短網址可以由 1 個至 25 個表情符號組成，足足有成 2.86 x 1084 個組合俾你揀。 雖然最多可以用成 25 個表情符號，但一定會記死人，建議都係用 1 至 5 個，咁易記好多。

我個社交網站些牙 (Share) 唔到含有 Emoji 表情符號既網址，點算好?

咁要試下將 😻🍕.ws 寫成 emojilink.me。例如：😻🍕.ws/🍕🍕🍕 會變成 emojilink.me/🍕🍕🍕，或者你直接複製版面第二個網址都得。如果咁都唔得，唯有要將網址轉換成 URL 編碼，詳情要睇片：

我可以改變 Emoji 表情符號縮短網址既指向嗎?

暫時未得，但將來應該可以轉。(到時你要開個戶口去管理呢啲連結)

咁我同一條網址可唔以可有多過一個 Emoji 表情符號縮短網址?

可以，但你要自選表情符號，否則由系統揀選的話就只會俾返條舊既表情連結你。

Emoji Link 係用咩轉址方法?

Emoji Link 係用 301 轉址。

駛唔駛錢?

唔駛錢，Emoji Link 係免費使用的。